ಎಲ್ಲಿಂದ ಶುರು? ಹೇಳಿ...

ಬ್ಲಾಗಿನ ಮಟ್ಟದಲ್ಲಿ ಈ ಕೆಲಸ ಶುರುವೇನೋ ಆಗಿದೆ. ಈಗ ವಿಧಾನಸಭಾಕ್ಷೇತ್ರಗಳ ಮತ್ತು ಶಾಸಕರ ವಿವರದಿಂದ ಕೆಲಸ ಶುರು ಆಗಬೇಕು... ಇಲ್ಲಿ ಭಾಗವಹಿಸುತ್ತಿರುವವರ ಕ್ಷೇತ್ರಗಳಿಂದಲೇ ಆರಂಭಿಸುವ ಐಡಿಯಾ ನನ್ನದು... ಅದು ಸರಿ ಅನ್ಸಿದ್ರೆ ನಿಮ್ ನಿಮ್ಮ ಕ್ಷೇತ್ರಗಳ ಹೆಸರು ಕಮೆಂಟ್ ಆಗಿ ಪೋಸ್ಟ್ ಮಾಡಿ, ಅಲ್ಲಿಂದ್ಲೇ ಕೆಲ್ಸ ಶುರು ಮಾಡೋಣ.
ಮೊದಲಿಗೆ ನಾನು. ನಾನು ಕೇರಳದವಳು, ಹಾಗಾಗಿ ನನ್ನ ಮತದಾನದ ಹಕ್ಕು ಅಲ್ಲಿದೆ. ಆದ್ರೆ ಬೆಂಗಳೂರಿನಲ್ಲಿ ನಾನಿರುವ ಕ್ಷೇತ್ರ ಹೆಬ್ಬಾಳ. ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು ಇಲ್ಲಿಯ ಶಾಸಕರು. ಸಂಪುಟದಲ್ಲಿದ್ದು ಪ್ರಭಾವಿ ಖಾತೆಗಳನ್ನು ಹೊಂದಿದ್ದಾರೆ.

ಕರ್ನಾಟಕದಲ್ಲಿ ಮಾನವ ಅಭಿವೃದ್ಧಿ - ವರದಿ...

ಒಂದು ಪ್ರದೇಶದ ಅಭಿವೃದ್ಧಿಗೆ ಅಳತೆಗೋಲು ಮಾನವ ಅಭಿವೃದ್ಧಿ ಸೂಚ್ಯಂಕ ( human development index) ಹಲವು ವರ್ಷಗಳಿಗೊಮ್ಮೆ ಬಿಡುಗಡೆಯಾಗುವ ಇದು,ಆಡಳಿತಯಂತ್ರಕ್ಕೆ ಮುಂದಿನ ಯೋಜನೆಗಳನ್ನು ಸರಿಯಾಗಿ ಯೋಜಿಸಲು ಸಹಾಯವಾಗಲೆಂಬ ಉದ್ದೇಶದಿಂದ ಯೋಜನಾ ಆಯೋಗಗಳಿಂದ ಬಿಡುಗಡೆ ಮಾಡಲ್ಪಡುತ್ತದೆ.

ಒಂದು ಪ್ರದೇಶದ ಜನರ ಸರಾಸರಿ ಆಯುಷ್ಯ, ಶಿಶುಮರಣ ಪ್ರಮಾಣ, ವಿದ್ಯಾವಂತರ ಮತ್ತು ವಿದ್ಯಾಭ್ಯಾಸದ ಪ್ರಮಾಣ, ಜೀವನದ ಗುಣಮಟ್ಟ, ತಲಾ ಆದಾಯ ಇತ್ಯಾದಿಗಳನ್ನು ಸೇರಿಸಿಕೊಂಡು ಅಲ್ಲಿನ ಮಾನವ ಅಭಿವೃದ್ಧಿ ಸೂಚ್ಯಂಕವನ್ನು ಅಳೆಯಲಾಗುತ್ತದೆ.

ಕರ್ನಾಟಕದ ವಿವಿಧ ಜಿಲ್ಲೆಗಳ ಮಾನವ ಅಭಿವೃದ್ಧಿ ಹೇಗಿದೆ ಎಂದು ತೋರಿಸುವ ವರದಿ, ಕಳೆದ ಸಲ ಬಿಡುಗಡೆಯಾದದ್ದು 2005ರಲ್ಲಿ. ಈ ವರದಿ, ಯೋಜನಾ ಆಯೋಗದ ವೆಬ್-ಸೈಟ್-ನಲ್ಲಿ ಸಿಗುತ್ತದೆ. ಲಿಂಕ್ ಇಲ್ಲಿದೆ...

ಇದರಲ್ಲಿನ ಅನೇಕ ವಿಚಾರಗಳು ಎಲ್ಲರಿಗೂ ಗೊತ್ತಿರಲಿಕ್ಕಿಲ್ಲ. ನಮ್ಮ ನಮ್ಮ ಜಿಲ್ಲೆಗಳಿಗೆ ಸಂಬಂಧಿಸಿದ ವಿವಿಧ ಮಾಹಿತಿಯನ್ನು ಇಲ್ಲಿಂದ ಕಲೆಹಾಕಬಹುದು...

ಆರಂಭಕ್ಕೆಮುನ್ನ...

ನಮ್ಮ ರಾಜ್ಯದ ಬಗ್ಗೆ ನಮಗೇನು ಗೊತ್ತು?
ಇಲ್ಲಿನ ಸಮಸ್ಯೆಗಳ ಬಗ್ಗೆ ಏನು ಗೊತ್ತು?
ವಿವಿಧ ಸಮಸ್ಯೆಗಳ ಪರಿಹಾರಕ್ಕಾಗಿ ರಾಜ್ಯ ವಿವಿಧ ಇಲಾಖೆಗಳ ಮೂಲಕ ಎಷ್ಟು ಖರ್ಚು ಮಾಡುತ್ತಿದೆ, ಮತ್ತು ಅದರ ಪ್ರತಿಫಲ ಏನಾಗಿದೆ ಅನ್ನುವುದರ ಬಗ್ಗೆ ಏನು ಗೊತ್ತು?

ತಿಳಿದುಕೊಳ್ಳಬೇಕೆಂಬ ಕುತೂಹಲವಿರುವವರಿಗಾಗಿ ಈ ಜಾಲತಾಣ.

ತಮಗೆ ಗೊತ್ತಿರುವ ವಿಚಾರಗಳನ್ನು ಇಲ್ಲಿ ಹಂಚಿಕೊಳ್ಳುವ ಮತ್ತು ಇದರಲ್ಲಿ ಭಾಗವಹಿಸುವ ಆಸಕ್ತಿಯಿರುವವರಿಗೂ ಇಲ್ಲಿ ಸುಸ್ವಾಗತ.

1) ರಾಜ್ಯದ ಎಲ್ಲಾ ಮಂತ್ರಿಗಳ ಮತ್ತು ಖಾತೆಗಳ ಕುರಿತ ವಿವರ - ವಿವಿಧ ಬೆಳವಣಿಗೆಗಳ ಕುರಿತ ಚರ್ಚೆಗಳು
2) ಪ್ರತಿಯೊಬ್ಬ ಶಾಸಕರ ಕುರಿತ ಮತ್ತು ಅವರ ಕ್ಷೇತ್ರಗಳ ಕುರಿತ ಮಾಹಿತಿ - ಅಲ್ಲಿನ ಸಮಸ್ಯೆಗಳ ಕುರಿತ ಚರ್ಚೆಗಳು

ಇಲ್ಲಿ ನಿಮಗೆ ಮುಖ್ಯವಾಗಿ ಸಿಗಲಿವೆ.

ಬನ್ನಿ, ಭಾಗವಹಿಸಿ.